Ákveðið hefur verið að fresta aðalfundi Ljúfs sem halda átti fimmtudaginn 2 febrúar til miðvikudaginn 8 febrúar kl.20:00. Einig vantar okkur en þá nokkra áhugsama félaga í nokkrar nefndir.
Aðalfundur Hestamannafélagsins Ljúfs 2012 verður haldinn í félagsheimili Ljúfs að Vorsabæjarvöllum, fimmtudaginn 2. febrúar kl. 20:00.
Dagskrá:
1.Skýrsla stjórnar
2.Skýrsla gjaldkera
3.Skýrslur nefnda
4.Kosningar
5.Önnur mál
Formenn nefnda eru beðnir að gera grein fyrir störfum nefnda á liðnu ári.
Stjórn Ljúfs gerir eftirfarandi tillögur til aðalfundar um kosningar í starfsnefndir.
Mannvirkjanefnd: Guðmundur Sigfússon, Friðrik Friðriksson og Ólafur Ragnarsson
Ferðanefnd: Höskuldur Halldórsson, Kristján Karl Gunnarsson Og Hjörtur Bergmann Jónsson.
Mótanefnd: Trausti Þór Guðmundsson, Alexandra Rut Kristinsdóttir, Dagný Karlsdóttir og Eggert Helgason.
Æskulíðsnefnd: Baldur Guðmundsson, Dagbjört Guðmundsdóttir, Alexandra Rut Kristinsdóttir Og Guðbjörg Björnsdóttir.
Reiðveganefnd: Ólafur Hafsteinn Einarsson, Sólmundur Sigurðsson og Aldís Eyjólfsdóttir.
Mikilvægt: Sé viðkomandi ekki fært að starfa í tiltekinni nefnd er hann beðinn að koma því tímanlega á framfæri við Sigurð í síma 772-8883. Á þessu ári eiga 3 að ganga úr stjórn, þ.e.a.s. gjaldkeri, varaformaður og meðstjórnandi. Varaformaður munn ekki gefa kost á sér áfram.
Kaffiveitingar verða í boði stjórnar - hlökkum til að sjá ykkur þann 2. Febrúar.
Námskeiðið er hugsað til að geta hentað öllum þeim sem vilja auka færni sína og komast lengra í að þróa sig sem knapa. Taka þátt í sýningum og keppnum, takast á við stress og álag sem stundum fylgir keppni. Að setja sér markmið, hugsa út fyrir kassann og að endingu auka þekkingu, innsæi og færi á sviði hestamennskunnar sem svo skilar sér í vel þjálfuðum hesti og knapa. Nemar vinna með sinn eigin hest. Námskeiðið er sett upp sem fjögra helga pakki sem er þá annað hvort 3 helgar og endað á því að taka þátt í móti eða 4 helgar og sett upp mót í lok námskeiðs. Lögð er áhersla á að þátttakendur vinni vel í tímum, þjálfi markvisst á milli helga og leggi sig fram við að læra hver af öðrum.
Umsjón: Ásdís Helga Bjarnadóttir
Námskeið hefst þann: 4.2.2012
Staðsetning: Grænhóll í Ölfusi, nálægt Hveragerði
Leiðbeinendur: Þórdís Erla Gunnardóttir, reiðkennari. Auk aðila er koma að hrossadómum.
Stund og staður: 4.-5. febrúar, 18.-19. febrúar, 3.-4. mars og 17.-18. mars. Á laugardögum eru tímarnir frá 10.00-18.00 og á sunnudögum frá kl 10.00-16.00 (66 kennslustundir), Grænhól (milli Hveragerðis og Selfoss). Með fyrirvara um breytingar.
Verð: 92.000 kr. Kennsla og aðstaða á staðnum fyrir hross verklegu helgarnar. Ef áhugi er fyrir því verður kannað með gistingu og hádegisverð.
Skráningarfrestur til 20. jan. 2012
Staðfestingargjald: Staðfesta þarf skráningu með því að millifæra 20.000 kr af heildarverði (óafturkræft) á reikninginn 0354-26-4237, kt. 411204-3590. Senda kvittun á endurmenntun@lbhi.is
Skráningar: endurmenntun@lbhi.is (fram komi nafn, kennitala, heimili, sími og nafn námskeiðs) eða hafa samband í síma: 433 5000
Nú eru DVD diskarnir frá Landsmótinu á Vindheimamelum í sumar komnir út. Þetta eru meira en átta klukkustunda efni af bestu gæðingum og kynbótahrossum landsins. Útgáfan skiptist í tvennt, hápunkta annars vegar og kynbótahross hins vegar. Hápunktarnir innihalda hápunkta mótsins eins og nafnið gefur til kynna, þ.e. gæðingakeppnina, bestu kynbótahrossin, ræktunarbú, mannlíf og margt fleira. Kynbótapakkinn er í allt fjórir diskar og á þeim er að finna öll kynbótahross sem hlutu fullnaðardóm á mótinu. Er þeim raðað eftir flokkum og í stafrófsröð. Þessi mikla heimild hefur mikið skemmtanagildi fyrir hestamenn og er því klárlega jólagjöfin í ár! Diskana má kaupa í öllum hestavöruverslunum landsins sem og á skrifstofu LH.
Stjórn Landssambands hestamannafélaga ákvað á fundi sínum í dag að semja við Rangárbakka ehf. sem rekur Gaddstaðaflatir við Hellu fyrir Landsmót hestamanna 2014 og Gullhyl á Vindheimamelum fyrir mótið sem fer fram árið 2016.
Eldhestar í Ölfusi eru handhafar umverfisverðlauna Ferðamálastofu árið 2011 fyrir markvissa umhverfisstefnu og sjálfbæran rekstur.
Umhverfisverðlaun Ferðamálastofu hafa verið veitt frá árinu 1995 til ferðaþjónustufyrirtækja eða einstaklinga í ferðaþjónustu sem þótt hafa skara framúr á sviði umhverfismála. Verðlaunin eru hugsuð sem hvatning og áminning til þeirra sem stunda ferðaþjónustu um að huga vel að umhverfinu í allri starfsemi sinni.
Hestaleigan Eldhestar var stofnuð árið 1986 og fagnar því aldarfjórðungs afmæli á þessu ári. Föfuðstöðvarnar voru fyrstu árin í rauðum gámi við þjóðveg 1 í Ölfusi. Í júní árið 2002 fluttu þeir sig yfir götuna og tóku í notkun Hótel Eldhesta, sem er búið 26 tveggja manna herbergjum og matsal sem tekur um 70-80 manns. Ennfremur hesthús og aðra aðstöðu fyrir starfssemina.
Hestablaðið óskar Eldhestum til hamingju með verðlaunin og áframhaldandi góðu gengi á komandi árum.
Síðastliðinn laugardag, á hrossaræktarráðstefnu fagráðs, kom út bókin "Hrossaræktin 2011." Bókin er ársrit hrossaræktarinnar, hugmynd sem byggð er að hluta til á eldri samnefndri bók sem BÍ gaf út um árabil. Að útgáfunni stendur hópur áhugafólks um hrossarækt sem einnig hefur gefið út stóðhestabók, haldið stóðhestasýningar og rekur vefinn stodhestar.com.
Í bókinni er að finna umfjöllun um tíu efstu hross í hverjum aldursflokki á árinu, umfjöllun um öll ræktunarbú sem voru tilnefnd til ræktunarverðlauna í ár, umfjöllun um öll hross sem hlutu afkvæmaverðlaun á árinu, Landsmót, Heimsmeistaramót, einlægt viðtal við Þórð Þorgeirsson sem hefur umbylt lífi sínu, tíur allra tíma og margt fleira áhugavert.
Bókin verður til sölu í hestavöruverslunum og víðar, auk þess sem allir félagsmenn í Félagi hrossabænda* fá bókina endurgjaldslaust og munu aðildarfélög FHB sjá um dreifingu til sinna félagsmanna. Skuldlausir félagar í FT geta einnig keypt bókina með 20% afslætti í Ástund í Austurveri.
Fyrir þá sem eru staddir erlendis og vilja tryggja sér eintak er hægt að senda tölvupóst á hrossaraekt@hrossaraekt.is og panta eintak.
Það er von útgefenda og höfunda að bókin verði áhugafólki um hrossarækt til ánægju og fróðleiks, en allar nánari upplýsingar má fá á Facebook síðu hrossaræktarinnar 2011 og á vefnum hrossaraekt.is.
* Allir félagsmenn í Félagi hrossabænda fá eintak af bókinni Hrossaræktin 2011 sér að kostnaðarlausu. Aðildarfélög FH hafa fengið bókina afhenta og munu sjá um dreifingu. Félagar í Hrossaræktarsamtökum Suðurlands geta fengið bókina afhenta hjá Höllu Eygló Sveinsdóttur á skrifstofu Búnaðarsambands Suðurlands, Austurvegi 1 á Selfossi. Þeir sem búsettir eru á höfuðborgarsvæðinu geta sótt bækur á skiptiborð Bændasamtakanna í Bændahöllinni á 3. hæð Hótel Sögu, á skrifstofutíma.
Jónas Kristjánsson fyrrverandi ritstjóri hefur áratugum saman skrásett þjóðleiðir á Íslandi og afrakstur þeirrar vinnu birtist í þessari miklu bók. Yfir 1.000 göngu- og reiðleiðum er lýst og þær sýndar á vönduðum kortum. Þessi útgáfa er viðburður í íslenskri bókaútgáfu. Bókinni fylgir stafrænn diskur sem gerir kleift að hlaða leiðunum inn í GPS-tæki. Það er bókaútgáfan Sögur útgáfa sem gefur bókina út.
Jónas fagnaði útkomu bókarinnar með því að koma ríðandi Fríkirkjuveg að Iðnó, þar sem hann afhenti Haraldi Þórarinssyni formanni Landssambands hestamannafélaga og Ólafi Erni Haraldssyni formanni Ferðafélags Íslands sitthvort eintakið af bókinni.
Bergljót Rist hjá Íslenska hestinum var með í för sem og glæsilegir fulltrúar ungu kynslóðarinnar í hestamennskunni, þær Nína María Hauksdóttir, Þórunn Þöll Einarsdóttir og Andrea Jónína Jónsdóttir.
Undanfarna mánuði og misseri hefur Landssamband hestamannafélaga unnið að skráningu reiðvega og reiðleiða í kortasjá.
Reiðleiðirnar eru unnar ofan á myndagrunn frá Loftmyndum ehf. Samhliða skráningunni í kortasjána þá eru reiðleiðirnar skráðar á Exelform, reiðleiðaskrár, og reiðleiðunum gefin númer ( aðal- og kaflanúmer ), það er gert í samráði við Vegagerðina. Einungis eru skráðar þær reiðleiðir sem eru á aðal- og deiliskipulögum viðkomandi sveitarfélaga. Nýlega bættust við Rangárvalla- og Vestur Skaftafellssýsla.
Alls eru komar í kortasjána 745 reiðleiðir sem spanna yfir 5.586 km úr Borgarfirði og austur að Lómagnúp. Unnt er að taka gps ferla flestra reiðleiðanna af kortasjánni beint í gps tæki, þá eru flestir skálar einnig í kortasjánni.
Auðvelt á að vera fyrir hestamenn að skipuleggja hestaferðir af kortasjánni og hlaða leiðunum niður í gps tækin sín. Það á einnig við um gönguferðir þar sem sumar af þessum leiðum eru samnýtanlegar hesta- og göngufólki.
Næstu skref í skráningu reiðleiðanna verða norðan heiða, þ.e. Húnavatns- Skagafjarðar, Eyjafjarðar og Þingeyjarsýslur.
Ekkert er því til fyrirstöðu að þeir sem þjónusta hestamennskuna eða ferðaþjónustu almennt geti gert sig sýnilega í kortasjánni með t.d. krækjum þaðan og á sínar heimasíður.*
Vegna þeirra hryllilegu dýraníðsmála sem upp hafa komið síðstu misseri og nú síðast í hesthúsahverfi í Kópavogi, vill Landssamband hestamannafélaga ítreka við hesteigendur að gæta vel að hrossum sínum og fylgjast vel og reglulega með þeim hvar sem þau eru niðurkomin.
Þessi níðingsverk hafa fram til þessa beinst að hryssum, svo hafa ber það sérstaklega í huga.
Til að reyna að koma í veg fyrir að atvik af þessum toga endurtaki sig, er mikilvægt að við stöndum saman m.a. með því að koma öllum upplýsingum sem hugsanlega geta upplýst þessa glæpi til lögreglu.
Það er alvarlegur glæpur að fremja slík níðingsverk og vonum við að sem fyrst náist að koma höndum yfir þá einstaklinga sem sekir eru um þessi athæfi.
Miðasala Landsmóts 2012, sem fer fram í Reykjavík dagana 25.júní til 1.júlí, er nú hafin. Miðasala fer fram á heimasíðu Landsmóts www.landsmot.is
Félagar innan Landssambands hestamannafélaga og Bændasamtaka Íslands fá 20% afslátt af miðaverði í forsölu til 15.maí. Auk þess fá N1 korthafar 1000 kr. afslátt af miðaverði. Hestamenn geta með notkun N1 kortsins styrkt sitt hestamannafélag en af hverjum seldum eldsneytislítra rennur hálf króna til hestamannafélagsins.
Að auki verður hægt að versla Reykjavíkurpassa en sá passi veitir frían aðgang í strætó, á ýmis söfn og í sundlaugar Reykjavíkurborgar, á meðan móti stendur.
Í kjölfar þess að miðasala hefur nú hafist fer Landsmót af stað með svokallaðan jólaleik en allir seldir miðar fram til jóla fara sjálfkrafa í happdrættispott sem dregið verður úr á Þorláksmessu. Vinningarnir eru ekki af verri endanum en meðal þess sem í boði er eru flugmiðar til Evrópu með Icelandair, inneign hjá N1, gjafabréf í Kringluna, leikhúsmiðar, Mountain horse úlpa, hótelgisting í 2 nætur á Hilton Reykjavík Nordica og endurgreiðsla á keyptum landsmótsmiðum.
Hestamannafélagið Ljúfur fagnaði fimmtíu ára afmæli þann 8. október. Dagskráin byrjaði kl. tvö í félagsheimili Ljúfs þar sem var farið í leiki með börnunum, drukkið kaffi og gætt sér á kræsingum í boði félagsins. Um kvöldið var blásið til stórveislu á Hótel Hveragerði þar sem voru glæsilegar veitingar og dansleikur. Viðurkenning var veitt efnilegasta knapanum 2011 og hana hlaut Glódís Rún Sigurðardóttir. Einnig voru sæmdir heiðursfélaganafnbótinni Halldór Guðmundsson, Sigurbjörg Jóhannesdóttir, Gísli Sveinsson og Sigurveig Helgadóttir, standa þau vel að þeirri nafnbót. Við þökkum þeim kærlega fyrir sem hjálpuðu okkur við þennan frábæra dag.
14:00 Byrjað verður upp í Félagsheimili með ratleik fyrir börnin, sem Æðskulýðsnefnd sér um.
15:00 - 17:00 Kaffihlaðborð í Félagsheimili Ljúfs í dal, við vonum að allir félagsmenn sjái sér fært að mæta í spjall og kaffi. Má taka með sér gesti.
19:30 Húsið opnar, það verður matur og ball á Hótel Hveragerði fyrir þá fullorðnu.
20:30 Borðhald hefst. Þriggja rétta matur, ball með hljómsveitinni Feðgunum. Verð 6.000 kr. fyrir félagsmenn og 7.000 kr. fyrir ófélagsbundna. Hver og ein hefur með sér eitthvað að drekka.
Þeir sem ætla að mæta geta lagt inná reikning félagsins 0314-26-000515, kt. 510682-0689; einnig er hægt að panta miða í síma 772-8883 (Sigurður Einar) eða 483-4387 (Bóel) fyrir 02.október.
Félagsmenn, látið sjá ykkur og takið endilega með ykkur gesti.
...ganga í Ljúf eða aðstoða í nefnd? ...breyta heimilisfang eða netfang? Sendu tölvupóst á: halldorm@simnet.is ________________________________
Áttu myndir af félagslífinu?
Viltu að frétt birtast á vefsíðunni?
...eða áttu athugasemdir við vefsíðu? Sendu tölvupóst á: hmf.ljufur@gmail.com
