21.09.2018 21:52

Reiðvegagerð

Reiðvegagerð sem Ljúfur sér um að framkvæma í bæjaþorpsheiðinni gengur vel. Vegurinn sem nær frá Þorlákshafnarvegi að rörinu í Kömbum er mikil samgöngubót fyrir okkur hestamenn. Í haust verða svo gerð undirgöng undir þjóðveginn, við Velli. Frábær viðbót við okkar góða reiðvegakerfi

20.09.2018 13:33

Töltskvísur veturinn 2019

Veturinn 2018 var stofnaður hópur kvenna hjá hestamannafélaginu Sleipni sem kom saman einu sinni í viku undir stjórn reiðkennarans Rósu Birnu Þorvaldsdóttur og fékk nafnið Töltskvísur Sleipnis. Hópurinn var stofnaður til efla þátttöku kvenna í hestamennsku, styrkja þær sem knapa og bæta hestana þeirra. Fyrirmynd þessarar tegundar reiðkennslu er sótt í Töltgrúbbu Ragnheiðar Samúelsdóttur. Reiðkennslan fer þannig fram að allar konurnar eru samtímis á baki og ríða ákveðnar reiðleiðir í reiðhöllinni. Þannig læra konurnar ýmis hugtök sem notuð eru við þjálfun hrossa í reiðhöllum og um leið þurfa þær að hafa stjórn á hestum sínum, passa millibil og tímasetningar. Slíkar æfingar virka auðveldar, en eins og máltækið segir þá er auðveldara um að tala en í að komast.

Afrakstur æfinga hópsins var svo sýndur á Hestafjöri í reiðhöll hestamannafélagsins Sleipnis, sem fram fór í apríl 2018 og tókst atriðið mjög vel.

Í vetur stendur til að bera út boðskapinn enn frekar, æft verður í Ölfushöllinni og við ætlum að bjóða fleiri konum að vera með. Ákveðið hefur verið að bjóða konum úr hestamannafélögunum Smára, Trausta, Loga, Geysi, Háfeta og Ljúf að taka þátt, auk þess sem að Sleipniskonur verða áfram með. Töltskvísur Sleipnis verða því Töltskvísur Suðurlands. Rósa Birna verður áfram reiðkennari hópsins og kemur til með að stýra æfingum og setja upp reiðleiðir.
Kynningarfundir verða haldnir á Selfossi og á Flúðum í október næstkomandi.
Ef einhverjar spurningar vakna er hægt að senda þær á netfangið toltskvisur@gmail.com

02.06.2018 09:26

Tilkynning frá beitarnefnd Ljúfs



Beitarnefnd starfar með nýju sniði þetta árið. Beit er skipt í þrjú svæði og er umsjónarmaður með hverju svæði fyrir sig. Vinsamlega hafið samband við umsjónarmann viðkomandi svæðis ef áhugi er á að nýta sér beit.
Svæði 1:
Túnin og stykkin upp í dal, umsjónarmaður Jón Guðlaugsson s. 788 2177
Svæði 2:
Svokallað Eyktarland. Tveir umsjónarmenn. Jóhann Ævarsson s. 896 4529 og e-mail joi@blossi.is og Ægir Guðmundsson sími 857 9141
Svæði 3
Engjastykki. Umsjónarmaður Erla Tryggvadóttir s. 695 5664
Beitin er aðeins fyrir Ljúfsfélaga. Ætlast er til þess að þeir sem eru með hross í beit komi að viðhaldi girðinga í samráði við umsjónarmann. Hestamannafélagið tekur enga ábyrgð á hrossunum sem eru í beitarhólfunum svo við bendum fólki á að hafa hrossin sín tryggð.
Gjald fyrir beit er 2.500 kr. á úthaga og 2.500 kr. á túnin, pr. mánuð.
Umsjónarmenn munu senda út tilkynningu um opnun síns svæðis

Vinnum þetta öll saman og höfum gaman í sumar

Bankareikningur fyrir beitargjöld: kt. 510682-0689, banki 0314-13-14724

Beitarnefndin

01.06.2018 09:55

Opið gæðingamót og úrtaka fyrir landsmót

Gæðingamót og úrtaka Sleipnis, Ljúfs og Háfeta

Helgina 8-10 júní fer fram á Brávöllum á Selfossi opið gæðingamót og úrtaka Sleipnis, Ljúfs og Háfeta. Ákveðið hefur verið að hafa tvöfalda úrtöku og ákveður fólk við skráningu hvort það taki þátt í seinni umferð úrtökunnar. Fyrri umferð mótsins gildir til úrslita en seinni umferðin er eingöngu úrtaka. Hæsta einkunn hvers hests gildir inn á Landsmót.

Til að auðvelda tölvuvinnu á mótinu biðjum við keppendur vinsamlegast að haka við gæðingaflokkur 1" og "gæðingaflokkur 2" í þeim flokki sem þeir skrá ef þeir ætla í báðar umferðir. T.d. ef keppandi ætlar að skrá hest í A flokk tvöfalda umferð þá hakar viðkomandi bæði í A flokkur gæðingaflokkur 1 og A flokkur gæðingaflokkur 2. Ef knapi ætlar eingöngu í fyrri umferð þá hakar hann í "gæðingaflokkur 1" í viðkomandi keppnisgrein.

Skráning er opin og fer fram á Sportfeng. lýkur henni 5.júní.
http://skraning.sportfengur.com/Skraningkort.aspx?mode=add

Skráningargjald er eftirfarandiA-flokkur, B-flokkur og ungmennaflokkur; 5000 kr
Unglingaflokkur og barnaflokkur; 4000 kr.

Staðfesting á millifærslu berist á gisli-@hotmail.com.

24.05.2018 08:09

Sameiginlegur æskulýðsreiðtúr Sleipnis, Ljúfs og Háfeta (breytt dagsetning)


Æskulýðsreiðtúr - laugardagurinn 2. júní 2018
Lagt af stað kl. 13:30 frá Reiðhöll Sleipnis. Reiðtúrinn tekur ca. klukkustund til eina og hálfa með góðum stoppum.
Síðan myndum við grilla, spjalla og leika okkur eitthvað saman eftir reiðtúrinn í Reiðhöllinni.
Æskulýðsnefnd Sleipnis sér um mat og drykk


Æskulýðsnefnd Sleipnis

11.05.2018 13:09

Kvennareiðtúr


Kvennareiðtúr Ljúfs verður laugardaginn 16. júní, mæting kl. 16:00. 
Nánar auglýst þegar nær dregur - takið daginn frá ??
Ferðanefndin

26.04.2018 22:17

Reiðnámskeið hefst 7. maí


Reiðnámskeið hefst í dalnum mánudaginn 7. maí, kennt verður í tvær vikur, tvisvar í viku, alls 4 skipti. Kennari verður Sjöfn Sæmundsdóttir. börn kl. 17:00 og fullorðnir kl. 18:00. Verð 8.000 fyrir fullorðna og 2.000 fyrir börnin - vinsamlega skráið ykkur á facebook síðunni eða hjá nefndinni. Aldís, Bryndís, Smári og Snævar

26.04.2018 20:07

Firmakeppni laugardaginn 26. maí



Firmakeppni Ljúfs verður haldin laugardaginn 26. maí. Hópreið frá Tívolíplaninu kl. 13:00. Þeir sem eru til í að aðstoða við undirbúning og framkvæmd eru beðnir að skrá það hér eða hafa samband við Björgu Ólafs eða Janus

26.04.2018 08:02

Sumarferð 2018




Stefnt er á að fara ríðandi á Þingvelli 13.-15. júlí 2018

Við erum búin að láta taka frá pláss fyrir max 15 manns og max 45 hesta í Skógarhólum sem er skáli á Þingvöllum.

Riðið á föstudeginum 13.júlí til Þingvalla, riðið á Þingvöllum laugardaginn 14. júlí, riðið heim sunnudaginn 15.júlí. Nánari veglýsing seinna.

Gisting er í kojum í tveimur herbergjum eða í tjaldvögnum eða slíku fyrir utan skálann (ekki hægt að komast i rafmagn)

Kostnaður:

4.500 kr /nótt/mann gisting í skála

1.500 kr/nótt/mann gisting í tjaldvagni eða slíku

600 kr/nott/hest

Matarkostnaður: sameiginlegur matur, kostnaði skipt niður.

Þar sem við þurfum að staðfesta pöntun á skálann biðum við ykkur um að skrá ykkur strax, í seinasta lagi til 1. mai á facebook eða á hjá ferðanefndinni

Kær kveðja, ferða- og skemmtinefndin

Kristján, Helga Margrét, Sabine, Jói og Sveinn.


18.04.2018 20:41

Frá ferða- og skemmtinefndinni:



Laugardaginn 2. júní verður farið í dagsferð um Ölfusið. Lagt af stað úr dalnum kl. 12. Riðið í gegnum Reyki, Hvammsveginn að Hjarðarbóli þar sem við borðum saman. Ríðum smá slaufu sunnanmegin við þjóðveginn og förum í gegnum Reyki til baka. Stoppað á ýmsum stöðum.
Vinsamlegið skráið ykkur hér svo við getum pantað matinn.
 
Sumarferð: 2 nætur um miðjan júlí, nánar síðar

Haustferð: í Hafið bláa verður farið um mánaðamótin ágúst-september, nánar auglýst síðar.

Kveðja, ferða- og skemmtinefnd

15.04.2018 09:56

Hestafjör

Hestafjör 2018 verður haldið í reiðhöll Sleipnis þann 28. apríl. Ljúfsbörn taka þátt eins og áður en að þessu sinni munu þau æfa og sýna atriði með börnunum úr Sleipni og Háfeta. 
Æfingar hefjast 16. apríl.
Fjölmennum á áhorfendabekkina þann 28. apríl
Æskulýðsnefnd Ljúfs

15.04.2018 09:51

Reiðnámskeið


Fyrirhugað er að halda reiðnámskeið í dalnum sem hefst í lok apríl eða byrjun maí, kennt seinnipart dags, vikulega í 4 skipti. Tveir hópar, annar fyrir börn og hinn fyrir fullorðna. Áhugasamir skrái sig hér eða hjá nefndinni
Æskulýðs-og fræðslunefnd, Aldís, Bryndís, Smári og Snævar

22.02.2018 13:02

Morgunkaffi laugardaginn 24. febrúar

Morgunkaffi verður í félagsheimilinu laugardaginn 24. febrúar kl. 10:30 

Verð 500 kr.

Sjáumst hress og kát

Stjórnin

09.02.2018 11:55

Aðalfundur 2018 - breytt dagsetning


Aðalfundur Hestamannafélagsins Ljúfs verður haldinn í félagsheimilinu þriðjudaginn 6. mars kl. 20:00


Dagskrá fundarins:

Venjuleg aðalfundarstörf


Áhugasamir félagsmenn óskast til starfa í stjórn og í nefndir


Stjórnin


09.02.2018 11:52

Reiðhallartímar fyrir Ljúfsfélaga


Reiðhöll Eldhesta er opin fyrir Ljúfsfélaga á miðvikudögum 

frá kl. 18:00 - 20:00, fyrsti tíminn er 14. febrúar

  • 1
Flettingar í dag: 49
Gestir í dag: 15
Flettingar í gær: 69
Gestir í gær: 21
Samtals flettingar: 338206
Samtals gestir: 53730
Tölur uppfærðar: 16.10.2018 07:23:38